2012年6月22日

This is official!!!

今日移民官同我講: We're sorry to lose you as our citizen. 那刻我真系眼泛淚光. 想起以前排大隊去申請綠卡, 每年暑假去美國報到, 回流香港之後仲要番去搞護照, 到最後, 還是放棄. 
那是為著我們最愛的香港.


2012年6月9日

今期忽然一周"吼中政黨主席"的實情....








有關今期忽然一周小封面的實情:

劉嘉鴻主席昨日回應:@明報





劉嘉鴻先排同人力成員袁彌明(Erica) 一齊去配眼鏡,配到傳出緋聞,佢噚日澄清話戥Erica 委屈。佢自言同Erica 個樣「有一大段距離」,覺得Erica 同啲公子哥兒更相襯,澄清對方只係同星屑醫生歐陽英傑一齊幫人民力量嘅其他成員搞形象。不過,劉嘉鴻話緋聞唔會影響日後工作,因為大家都係朋友,佢今日仲同咗Erica 一齊去拎西裝o忝。

2012年6月7日

逆光中進發 與你走向夢想!


選民力量捐款帳戶 HSBC: 813-656493-838

2012年6月6日

新報: DJ藝人從政做新秀 港姐洗盡鉛華選議員



新報 
A05  |   港聞
2012-06-06




DJ藝人從政做新秀 港姐洗盡鉛華選議員
立法會選舉將在9月9日上演,多個政黨或個別人士都已作好部署參選,其中不乏政壇新秀,本報將會陸續尋找這些新星的足迹。採訪:黃康怡 攝影:曾憲宗
人民力量的年輕一輩,為了積極舖路參選9月立法會選舉,準備接人民力量立法會議員黃毓民及陳偉業的棒,在5選區均派人參選。港姐袁彌明(Erica)早前與未婚夫分手後又放棄了美國國籍,目的就是從政;而當了多年電台DJ的陳志全(慢必)辭去公開大學導師職位,目的亦是角逐立法會議席。他們雙雙加入人民力量後,計劃分兩名單出選新東,袁亦有可能到港島參選,排在劉嘉鴻後。Erica與慢必,由藝人轉為政壇新秀,兩人均表示會積極吸納OL及網民的選票。
參選貫徹反梁主軸
由失戀到放棄美國國籍,Erica直言代價很大,但不認為是犧牲,「係好大代價,但我係自願的」。袁彌明指她去年已開始考慮放棄美籍,當初以為自己,最多是在參選名單中排第二,作用不大,故此未準備放棄,不過梁振英當選特首,卻令她改變了主意,「佢未上場已見到香港產生好大變化,所以4月時,決志參與今次選舉,先決條件係放棄外國國籍,但我係義無反顧的」,她揚言未來路向,是貫徹人民力量的「反梁(振英)」主軸。
正考慮一同出選新界東的Erica和慢必為選舉而「瞓身」,袁指自己已把美容生意和投資都「放埋一邊」,後者亦因在公開大學的教籍「阻住星期六(落區)的時間」而毅然辭職。二人更透露人民力量主席劉嘉鴻,亦放棄了精算師的高薪厚職。
現屆立法會內,人民力量只有兩個議席。Erica指,如果今屆人民力量未能取得3至4個議席,「我對香港會非常失望,因為梁振英上場,民主黨作為傳統最大的反對黨,都唔係做緊嘢,咁都唔投票畀我哋,咁我覺得算啦」。她表示若不能當選,4年後更加無信心可以做得到。
黃毓民交棒決心大
從區選到立法會選舉,人民力量都積極開拓新票源,而Erica的港姐出身及慢必作為前知名DJ,被問到其知名度會否為他們帶來優勢,兩人異口同聲表示,希望市民可以視他們為政客多於藝人。Erica稱,「希望可令平時不看港聞版,只看娛樂版的妹妹、OL、師奶知道政治係咩」。她又計劃在地區舉辦講座,如醫學、就業、化妝美容、形象設計等,吸引她的支持者和其品牌美容產品的客人,支持自己。
慢必則指藝人從政的例子在外國很多,他會向市民強調他們不是忽然民主「在娛樂圈撈唔掂才走向政壇」;另外,現時有主持網台節目的他又相信,網民會為人民力量帶來新票源。人民力量成立之初,主要以在區選中狙擊民主黨為目標,但慢必指出,立法會選舉是多議席多票制,所以「冇得狙擊」。他指人民力量將「重炮攻擊保皇黨,揭露保皇黨醜態」,同時估計民主黨的劉慧卿、黃成智、公民黨湯家驊等會「跌票」,加上鄭家富不再參選,人民力量便可「5碗煮埋一碗」吸納他們的選票。慢必又表示,黃毓民和陳偉業在人民力量執委會中,已沒有擔重要職任,可見兩人交棒決心很大。他和Erica稱寄望透過選舉培養政治人才,為黃陳二人接班。



2012年6月1日

今日爽報: 單身老闆袁彌明 租樓住非世界末日



Video:


單身老闆袁彌明 租樓住非世界末日
曾參選港姐、入娛圈、做老闆,與男友分手不久,31歲的袁彌明再有新搞作,毅然選擇從政,去年加入黃毓民創立的人民力量,最近更積極鋪路參選9月立法會選舉。據稱她有意在港島區出選,挑戰另一「盛女」陳淑莊。為了從政,放棄在夏威夷退休的夢想,也在所不惜。
記者:陳新政
剛加入盛女行列的袁彌明,自離開娛樂圈後更踩過界,在網上電台開咪講時事,曾有意參選區議會,不過被當時的男友反對。袁彌明接受訪問時表示,自己一向都是泛民主派,「自從民主黨通過政改方案後,我覺得民主派已經變質,我要企出來發聲!」去年加入人民力量,積極備選後,她更不惜去美國領事館申請放棄綠卡(*不是綠卡, 是護照),「其實我嘅夢想就係去美國過退休生活,喺夏威夷嘆世界,不過宜家要放棄,但我唔會覺得可惜。」
搞選舉 冇時間理生意
袁彌明現時每日都落區派傳單,與街坊打招呼,又兼顧人民力量行政工作,執頭執尾,訪問當日她就向記者表示,「自己瞓得4個鐘,真係眼都擘唔大!」她謂這種冇覺好瞓的情況,至少持續到9月立法會選舉結束為止,對貪靚的女士來說,肯定捱殘,記者問她有甚麼護膚心得,「唔好學電視廣告,用咁多精華素冇用,用好啲嘅洗面乳同保濕,每次搽兩三種嘢落塊面就得!」
玩得政治,袁彌明坦言,已預備會用畢生精力及時間去投入,雖曾遇過反對聲音,壓力十分大,且目前全心全意去搞選舉,連美容店生意也沒有時間打理,不過對於財政方面卻沒有後顧之憂,皆因她第一桶金便是沙士之後靠炒樓「賺番嚟」,「04年讀完書返香港就買樓,之後都有同朋友(**同家人)夾錢炒樓,直到宜家仲喺灣仔揸住層樓收租。」
「男友唔可以反對我」
她最近在跑馬地置業自住,寄語年輕人不要急上車,「我前幾年都係租樓住,但咁唔係The end of the world(世界末日)!」對盛女一詞,袁彌明有點拒抗,奈何從政像馬拉松,像公民黨的陳淑莊,結婚都是遙遙無期,「其實仲有人追我,但?家搵男友,都想佢留意時事,政治可以冇立場,但一定唔可以反對我!」。
袁彌明(Erica)小檔案
出生日期:1980年9月28日
學歷:塔夫斯大學(Tufts University)修讀經濟
工作經驗:05年參選港姐獲《旅遊大使獎》,曾於無綫、亞視、有線及now擔任節目主持,09年開設「袁彌明生活百貨」。去年加入「人民力量」,有意參選今年立法會選舉


參選立會 分店叫停
除了炒期指及期金,袁彌明亦是護膚品商店老闆,以自己做生招牌的「袁彌明生活百貨」,由初期做網上訂購,到09年開設首家樓上舖,迄今已有3家分店,會員人數亦逾4萬人。
近年香港零售市道十分暢旺,袁彌明的護膚品商店去年營業額高達7位數字(***8位數字),按年升20至30%,「一開始只喺YouTube拍片,冇賣過廣告,但估唔到咁成功。」不過由於要全力參選立法會,分店擴展大計要即時叫停,「預咗今年生意冇乜進展,大約同舊年持平,本來想喺中環開新店,但冇時間打理。」她說,銅鑼灣及尖沙嘴均是樓上舖,只得沙田是商場舖,租金壓力大減,令她可以賣平貨。
「飲食業好辛苦」
然而,她並非每次創業都成功,之前跟朋友夾份開咖啡店,經營一年多就被業主加租逼遷,幸好力保不失,微利收場。她坦言,「飲食業好辛苦,唔會再開啦。」


愛冒險 玩Day Trade
一向以言行出位見稱的袁彌明,就連投資方式都十分「狼死」,首次入市就炒期指,「因為我都唔識睇上市公司盤數,所以咪炒期指,我鍾意玩Day Trade(即日鮮),贏錢嗰種心情好刺激又開心!」
「我08年金融海嘯開始玩,嗰時個市冧緊,我揀咗沽細期(小型恒指期貨),結果第一次玩就贏錢,頭9個月就賺了六、七十萬。」玩期指有賺有蝕,記者問她蝕得「最甘」有幾多?她就笑言:「賺多過蝕嘅。」
生活質素最緊要
Erica在網上分享個人投資經驗,最近跌市,網友經常將她的蝕錢貨在論壇及facebook上公諸同好,笑她不懂投資,「網友淨係將我蝕嘅錢無限放大,但其實我賺嘅仲多!雖然最近我賬面係蝕緊錢,但如果係長線嘅貨,我好少Cut Loss(止蝕)」。
雖然炒期指、期金令她豬籠入水,但她認為投資要量力而為,「Quality of life(生活質素)最緊要,就算賺多雙倍嘅錢又有乜用?」