2012年11月12日

香港沒有人歧視同性戀者? 是你瞎還是我傻?

尋日明光社蔡志森用宗教, 中國傳統, 道德來攻擊同性戀者都算, 他一提到"公共衛生"我真系即刻想爆樽. 
台下觀眾不斷用侮辱性字眼大聲向慢必叫囂, 但台上兩位反同性戀嘉賓居然可以話見唔倒呢個社會有歧視同性戀問題.
再有台下觀眾將同性戀和性濫交/婚外情作比喻, 台上蔡志森也以同志平權比喻23條來呼應. 女同學社小曹說穿了: 反對立法, 根本因為他們想繼續擁有歧視同性戀者的權利.

 重溫:城市論壇:
2012-11-11 論題: 平權議案遭排斥 同志會否再給力 Discussion on:Motion on 'Equal rights for people of different sexual orientations

2012年11月2日

是日感動留言:


你出嚟參選,放棄美國護照去排第二,就係為咗守護香港,我覺得你簡直係女中豪杰,你響大埔嘅參選宣言,我睇咗好多次,好感動,當時我在想,一個年紀同我差唔多嘅女仔舒舒服服唔去過,掛個勇字響心口就衝出嚟,而我只識住個mon喊好似唔多啱數,所以我開始打電話拉票,由最frd嘅朋友開始,到無咁frd嘅,到超過10年無聯絡嘅朋友,每兩三年聚會先見一見舊同學,甚至,話我反骨嘅屋企人,我逐個逐個搵,叫佢投票俾人力,佢哋問點解,我慢慢解釋,佢哋話你淨係識上娛樂版講是非,我叫佢哋睇政治bb班,因為你,我搵我叔叔,叫佢一家要投人力,電話裡面同一把熟悉但好耐無聽過嘅聲音由人網人力民主擋以至大家近況一一講起上嚟,收線前我終於大膽地同佢講"叔叔,對唔住,我咁耐無搵你,我以後會多D搵你" 佢話佢無怪我,知我一個人響外面生活唔容易。收線後,我D眼淚係咁流,我好想多謝你,因為你,我去打呢個電話,多謝你。

9月9日投票日,我好緊張,白天不停叫人投票,夜晚瞓唔著,不停上網refresh即時新聞,祈禱希望主保守你哋所有人,慢必當選我又喊,你入唔到立法會我又喊,雖然未能將所有成員全數送入立法會,但一個新政黨能得到如此好成續,已值得支持者歡呼尖叫,我祝福你們每個,神必定為你準備更好道路,四年後,義工要預我一份